好先生除笨有精

纯情小彩迷

今日重頭戲精英碟，擂台躉「好先生」在港十三戰，除今季香港盃面對外來強敵落敗外，其餘本地賽全部跑入前四名，準到得人驚。以往跑一級賽亦經常上名，今次「降呢」跑三級賽自然大超班，卻換來負頂磅代價。不過何良乃食腦之人，計過秤過，與其用巫斯義捱重磅，不如益騎功較次，卻有減七磅優惠的徒弟仔蘇狄雄，除笨有「精」，這個精英碟已被視為囊中之物！
何良：「好先生」在這場本地三級賽，無論級數或實力都勝過同場其他對手。不過由於今場屬讓磅賽，我駒要�值巾敯酰瑸闋巹賻�來壓力，為求穩坐釣魚船，我向馬主推薦起用蘇狄雄執韁，希望利用減七磅優勢提高勝算，幸好最後得到馬主信任。論騎功蘇狄雄當然不能與經驗老到的巫斯義相提並論，但我對他依然充滿信心。「好先生」是一匹容易操控的馬，賽前雄仔已落足心機備戰，希望他能把握今次上佳機會，勝出個人首項分級賽殊榮。
 
好先生跑本地賽全入前四名，準得驚人。
 
 
怡勝同程往績堅
 

潘頓：「怡勝」前仗百週年紀念銀瓶只以短頭之微緊隨「好先生」得第三，今場後駒有蘇狄雄減七磅優勢，同負126磅，我駒形勢變得輸蝕。當然「怡勝」同程曾獲四捷，有足夠級數爭勝，埋門狀態保持勇銳，倘對手有任何閃失，便可取而代之。
 
鐵拳泥閘試得靚
 

勞愛德：「鐵拳」季內跑田草千八可擊敗當時銳氣正盛的「競駿精英」，足以證明實力。經過剛戰初次合作後，已對「鐵拳」加深了解，早前再替此駒試千二米泥閘，馬兒沿途走得輕鬆，今次只負114磅便宜莫甚，可與芸芸強手一較高下。
 
醉味造到超輕磅
 

鄭雨滇：「醉味」剛戰港澳盃以甚快時間跑入亞席，今次一下子由千四米跳程至田草千八，既然大摩認為馬兒有長力應付，我當然相信練馬師判斷。只負111輕磅，我有信心臨場可以造到毋須超磅。對手方面，以何良的「好先生」威脅最大。