修安聯 錫菲聯做「細」界

猪拉多纳

今晚英甲有場獨腳戲，由兩支中游球隊對碰，修安聯主場對錫菲聯。修安聯早前仲有機會殺入前6位爭升班，但點知呢班波愈踢愈頹，眨眼間跌咗落第13位。今晚佢哋首要任務肯定係先做好防守止血，撞啱對手錫菲聯作客例牌死火，1.72倍入球細博得過。

（TVB301周四凌晨2:45直播）
修安聯以守為先

修安聯曾有望爭奪升班附加賽席位，但隨住佢哋走勢回落，近6場比賽只曾1勝，最近2仗連鬥升班競爭對手基寧咸、羅奇代爾僅得1和1負，令到積分同第6位距離愈拉愈遠。今仗回師主場比賽，最重要係唔好再輸落去，否則升班機會只會愈見渺茫，預期會先做好防守再伺機而動。
錫菲聯作客例啞火

對手錫菲聯最近表現同樣麻麻，6場比賽取得2勝1和3負。要留意嘅係，佢哋呢排剩係識喺自己地頭搶分，一到作客就投晒降，近4場作客賽事取得1和3負不特止，當中3仗更要食白果。考慮到隊波嘅首席射手比利沙柏對上一次作客士哥，要追溯到今年1月中，更何況中堅大衞艾格、巴迪斯迪避戰，錫菲聯呢鋪怕且都冇乜本錢強攻對方，捧入球細啱數。