賠率有路捉：旺國手熱透有計

魑魅魍魉

　    第六場「旺國手」自從○七年二月，超過三年未贏，今季八戰就更加連位置都冇，加上今場要面對「駿馬精英」、「將軍歡笑」及「印度光輝」幾匹質新馬，真係好難睇好。不過噚日早飛似乎話你聽今鋪有計，事關獨贏係63蚊第三熱門，位置仲係14蚊大熱，好明顯有人信心十足。

    　睇番隻馬係上屆皇太后盃季軍，又喺前屆遮打盃跑入第三名，底質唔係一般三班馬可匹敵，既然有早飛支持，可以一W三P捧場。

    　第四場「晨速」季內一直唔跑贏馬田草1400米，今戰回師同程立即有早飛配合，噚日WP都熱透，46蚊大熱W，19蚊P，相信今日吼準出招，務求一擊即中。

    　騎師王方面，韋達熱到熨手，真係買唔落手，既然鍾意「旺國手」，不如小注吼潘頓，何況佢手馬仲有「時時攞彩」、「偉感」同「奇葩」呢。

周仲