美猴王Give Me Five!!

魑魅魍魉

是日快活谷跑日馬，唯一錦標場合馬拉華度賽馬會盃快鬥快，二班馬激鬥千二米。講此程賽績，「美猴王」無出其右，今季出道的牠快過觔斗雲，同程四戰全勝無敵手，難怪訓練此駒的文家良豪言give me five，一於贏馬擊掌慶捧盃！
文家良：「美猴王」是難得的好馬，質素上乘，今季初出已大放異彩，谷草五戰四冠一季所向披靡，三歲馬仍有進步空間，實力尚未見底。論牌面我駒理應是今仗爭勝要角，稍為擔心的是評分升得過急，對手也非善男信女，負重磅若有阻滯則難言穩勝。埋門我刻意安排由韋達試大閘，排位朝再彈一課草閘，加強操練力度，期望馬兒臨場發揮應有水準，力爭五捷佳績。
  
美猴王跑谷草千二米四戰全勝，成績彪炳。


星運伯爵試閘犀利


潘頓：「星運伯爵」已有一段時間未出賽，埋門狀態卻絕對無問題，繼三月尾由柏寶試過谷閘，上周五再由我試多課泥閘，兩次試閘均見此駒雖被按韁捉實，尾段仍大步撲上，姿態討好。五歲馬早已證明在二班具爭勝實力，回師以往曾上名的谷中千二米，憑好檔恃新鮮，大有機會拚入前列。
  
戰士輕磅左右大局


王志偉：「戰士」無疑二班賽績欠根據，今仗又要面對「美猴王」等惡馬，難度相當高，以其近況及同程往績仍不可輕視。上仗田草千四米沿途蝕位，依然追至僅負頸位而回，足證狀態大勇，評分仍有微利，今次�州p十二磅，轉爭特別耍家的谷中千二米，抽得二檔好位，絕對有權左右大局。
  
鼓浪天風老而彌堅


沈集成：「鼓浪天風」雖然年紀漸長，但今季依然保持不俗戰鬥力，谷中千二米表現尤其出色，季內三戰同程全上名，只可惜連番以短距離之差飲恨。今場主要對手「美猴王」實力太強，猶幸「鼓浪天風」狀態持續勇銳，假若臨場有快步速帶動，憑我駒末段強勁衝刺，可伺機突襲。