數據人生：鄭廐有好「拍檔」

魑魅魍魉

　　鄭俊偉養馬量不多，但今季一早贏夠十三W，成功取得馬會的續牌資格﹔以往此廐馬甚少連捷，但季內分別有「人緣好馬」及「好友福」打叠贏，而「成功網絡」今季九戰累積一冠四亞一季兩殿，更可謂省靚招牌。今日鄭廐僅派遣「豪情拍檔」及「馬主精英」上陣，但這兩匹精兵季內均已交出頭馬，足證近況不俗，尤其前駒續配贏馬拍檔韋達爭功，計落值得繼續捧場。

　　今日乃女皇盃及冠軍一哩賽舉行的大日子，九屆冠軍韋達自然想於外賓前贏馬攞威，加上賽後被罰停賽四日，今戰必然把握機會全力搶胡，坐騎方面必定揀過計過，無謂浪費贏馬機會﹔結果今戰韋達胯下十匹參戰馬中，便有七匹是蔡廐馬，其餘三駒分別是方廐「極品絲綢」、蘇廐「齊歡唱」及鄭廐「豪情拍檔」，後駒更是韋達今戰唯一來自華籍馬房的坐騎，可見備受重視。

　　根據資料顯示，今季韋達策鄭廐馬的次數不多，至今於沙田賽事跟鄭俊偉僅合作五次，卻錄得冠亞季各一及一席第五，可見廐主找韋達操刀之馬必定搏命。至於「豪情拍檔」今季首度登場，一連三仗均跑近後，到上仗初配韋達出爭田草四班1400米，即以三點四倍次熱身分力壓「雄心威龍」開齋，雖然僅領先四分三馬位過終點，但看韋達姿態，似乎對坐騎實力胸有成竹。勝後加七分仍能出戰四班賽，雖然負磅稍重兼初跑1600米，但按上仗後追的勁勢，增程二百米必不成問題，靠後勁食胡之馬於A欄排十檔不算太蝕底，有力成為今季第三匹鄭廐連捷馬。

歐陽志恆