布魯士有料維拉大起列斯聯

猪拉多纳

今晚英冠仲有兩場賽事，阿士東維拉主場對列斯聯值得留意，維拉今季降落英冠之後，一度繼續沉淪，幸好會方當機立斷，10月立即換帥，聘請布魯士擔任領隊。呢位前曼聯名宿果然有料到，令球隊起死回生，近5次主場更獲得全勝，遇上同樣強勢嘅列斯聯，預料有激鬥，入球大可取。

（周五凌晨3時45分開賽）

阿士東維拉曾於首11場聯賽僅1勝，但由布魯士接手執教後，立即大反彈，佢領軍下12場聯賽，獲得7勝3和2負，表現脫胎換骨。呢位55歲名帥堪稱「英冠金牌教頭」，佢上季英冠協助侯取得英超席位，但因為同會方管理層不和而辭職。因此，布魯士更加希望率領阿士東維拉殺上英超，為自己爭番口氣，屆時仲可以搵侯城復仇。值得一提，阿士東維拉唔止聯賽主場5連勝，而且係今季聯賽唯一主場不敗之師，肯定夠料採取主攻。

至於列斯聯亦獲得3連勝，包括擊敗爭升班勁敵雷丁，絕對唔嘢小。事實上，列斯聯曾於英超及歐洲賽叱咤一時，難得今季大翻身，當然要把握機會，奪取升班資格。以列斯聯近5場聯賽作客4勝嘅強勢，今仗作客唔怕同阿士東維拉駁火，有望上演入球騷。