馮諾嘉手記：搵啱路程 越跑越有

魑魅魍魉

　柏寶趁住韋達停賽，頭馬數目追番過韋達，但暫時只係多對手兩場，所以佢今日一定希望贏多幾場，十匹坐騎之中有唔少餐士馬，好似「覓得寶」、「長勝」、「新領袖」同「軍策令」等，連場數胡唔出奇。仲有一位騎師大家亦不妨留意，就係見習生何澤堯，有十磅減好�魯担�今日騎七駒，當中「五代同堂」同「威威財星」餐士唔錯，大有機會開齋。

清新空氣減磅添食
　　
　　精選場次第三場四班1000米，用「清新空氣」做膽，初出同程熱身已跑第四，走勢相當對辦，上場強配韋達增程跑1200米，終點前力追「大關刀」，以短頭位壓倒對手，走勢凌厲，今場用梁家偉減十磅，排九檔不俗，大可連捷。配腳先揀「可圈可点」，季內曾喺三班呢程獲亞軍，嗰場爆大冷入腳，今場回師四班對手較弱，十三檔起步形勢有利，要拖。「威威財星」轉投方嘉柏後兩戰獲冠季各一，好似變另一匹馬咁，狀態當勇，今場只係嫌佢排一檔，惟有作配。「好運精選」強配柏寶，拖埋。
　　
　　第五場四班1400米，馬膽「新領袖」，上場跑同程後上輕勝，贏對手個幾馬位，末段時間亦快，姿態有餘未盡，質新馬開竅，大把進步空間，可以添食。配腳方面，「雄心馬主」近仗回師四班後，已經兩度上名，證明喺呢班有利，乘勇再戰，一定會把握機會爭取更佳名次。「聚豪精英」上場跑谷草排外檔，被迫擺前跑兼蝕位，落敗唔可以作準，睇番前仗，跑同程以半個馬位力壓「福將臨門」奪冠，後駒再出再贏，證明賽事水準高，配腳當然要拖。冷腳可吼1400米專家「確叻星」。
　　
　　第六場四班1600米，「越跑越有」已跑咗七場，只能三度入位而未能贏馬，近兩場嘗試用後上跑法，又試埋路程，跑完1400跑1800米，試準晒回師 1600米，睇嚟已搵到最佳路程，之前同程落敗只因氣管有痰，今次如無意外可以開齋。配腳先拖最近喺同程連捷嘅「名人」，其次係上仗同程上名嘅「福到財星」，第三匹要拖嘅係「共同努力」，近仗表現大有進步。