朱嘉樂爆廣友名駒順番條氣

魑魅魍魉

養馬多年嘅「至勇」系馬主朱嘉樂，佢愛駒「至勇威龍」喺上一個禮拜六跑三級賽皇太后紀念盃被捧成大熱，點知杜利萊轉彎心急咗，結果輸少少跑第二。
       
杜利萊媽媽入場幫阿仔打氣。

不過，尋日殺得性起嘅杜利萊，即刻將功補過，事關佢喺第五場四班田草千八米，幫馬主朱有份做經理人，廣友團體嗰隻「廣友名駒」爆出15倍冷Ｗ，氹番朱嘉樂開心，認真抵讚。
       

賽後朱嘉樂都話杜利萊今鋪卒之做番場好戲，佢仲講「廣友名駒」出自「奇異光芒」，質素唔曳㗎，今季冇咩運先到依家先贏。