馬主論戰

魑魅魍魉

吼實旅遊大亨

　　告東尼今個月只係憑「萬事佳」贏過一場頭馬，但佢有嘅係實力，相信旗下馬好快可以再入凱旋門。今日東廐都有唔少實力馬上陣，最啱心水係第五場「旅遊大亨」，上場初跑1600米兼用放頭跑法，敗績唔能夠作準，今次跑番贏馬路程1400米，應該會有唔同演出，值得捧場。

　　另一匹要留意嘅東廐馬係第六場「喜綵」，上場響田草1600米跑第四，只不過輸畀頭馬半個馬位，證明近況唔曳，操足之後再跑同程，話唔定可以打開勝門。

任達華

同一世界贏得

　　今日大摩手馬好惡，吼實佢應該冇錯，其中重頭戲第七場沙田銀瓶，摩廐派出三駒上陣，其中以「同一世界」最值得留意，上場最後幾步走勢比「綠色駿威」、「鳥語花香」更勁，今次用梁家俊減磅上陣着數到暈，計卡士贏晒。

　　另外推介第九場「飛闖」，上場輕輕鬆鬆追過「好利利」贏馬開齋，後駒再出亦順利補中，實力如何唔使多講。仍然處於虛分階段嘅三歲馬，升上三班跑根本唔會有阻力，負磅亦唔算太重，可順利贏多一場。

張敬山

相見歡食尾胡

　　剛啱柏寶憑「祥禎」同「智友」起孖，為咗拋離韋達，睇嚟今戰都唔會手軟，我睇好佢繼續有馬贏。柏寶坐騎之中，最啱心水係尾場「相見歡」，近兩場跑田草1200米全部贏晒，四歲馬愈跑愈進步，今次升上二班再跑同程一樣夠爭，有權食尾胡。

　　另一匹要留意嘅馬係第四場「甜蜜至上」，上場跑谷草1200米，若非響直路塞咗一輪，未必會只跑第三。今次轉嚟沙田上陣，應該更啱呢匹後上馬發揮，用到柏寶唔似陪跑，要吼實。

梁廷鏘