|
|
今期兩大騎師的坐騎唔算叻，尤其韋達至令人擔心，太多坐騎排外檔，未跑先輸了形勢。此外，有兩位仁兄潘頓及黎海榮，彼此俱有一些邊線冷門，中到一隻已經有本有利，值得留神。
重心場次
第7場 第三班（80-60分） 1650米
易搏贏贏完第二日即報名，使唔使出得咁急，唔似此廐一貫作風，除了想打鐵趁熱，諗唔到點解﹗何況柏寶肯騎，冇理由想孭鑊﹔同場多馬搶，對於後追跑法嘅佢啱晒，如果C欄11檔唔係影響過巨，有權再Ｗ。
「耀目」唔使介意上場短途成績，只要知道前仗田草中程都近，證明近態唔係冇，一落班即返谷草，部署似樣。「馬風雲」唔叻係事實，但季內演出好準（7場此程得1W4P），加上剛仗德叔末段發揮唔好都近，用番主帥兼好位，應該跑高啲。
「超新星」上賽拉士騎師冇乜騎過，斷送了機會，唞番夠換人再跑，話晒前仗輸少少畀前駒，唔係冇影響力。「人緣好馬」此程唔係唔掂，隔了兩場大敗賽績，突然肯轉場，有賠率可拖。「大王者」一傷再傷，難估計交到幾多成水準。「寶成智星」唞番一輪或會幫到，因上場可能出得較密，連基本前速都冇埋，如體力回籠，3 檔啱放。
第1場 第五班（40-0分）1800米
康樂名駒轉馬房後重生，無論後追又贏，守好位又得，目前仍留在五班，根本冇壓力，加上唞番足夠日子，確保體力可回復，不難再Ｗ。
「兄弟班」剛仗明顯因形勢唔夾才焗住跟前，表現比預期失色勿怪，本身進度已起，不妨追多次。「馬霸龍」喼到穩定演出，正路配腳。「心寶貝」和「心喜悅」唔係冇實力，但好睇形勢就唔就。「太陽奇妙」初跑谷草已近，還要拉士幾十米其實阻到暈，賽績好有睇頭，計血統加程必更好。
第2場 第四班（60-40分）1650米
永得勝轉到此程後的演出有眼見，而今場缺少前領馬，對佢嚟講係好事，好容易會攞到主動權慢慢放，因應Ｃ欄偏差大，或可帶返。「緣是燦爛」純粹係鬥耐性，情況一如廐侶「百利旺」，總之評分太着數，有本事話嚟就嚟。
「玩具神話」一如前駒，分利係事實，轉倉做好晒復出，有點寄望。「天下寶」上賽只得第五名的確失望。「標青」剛仗唔放及大外叠，唔輸先奇，希望今場4檔，唔好再有上場的不利處境，說到底，前仗贏馬水準幾好。
第3場 第四班（60-40分）2200米
勁好友一再於同程以短距離見負，係冇運，還是技止於此，呢次檔好而對手又係嗰批，應該有最終答案。「電訊高星」上賽前已指出，此類有底質之馬，隨時一經開氣就返嚟，結果入Ｐ，雖則今次大幅加程要估，睇兩線背景，應該冇問題。
「好歡騰」上場贏得好盡吓，未必保持到。「芝麻雪糕」如果養得番，55分着數到嘔﹗「瀟洒大少」上場輸得唔似真，因前次唔係冇走勢，呢次換人及轉場，建議再畀機會。
「善風」9檔處境有點尷尬。「天鷹」前次同程劣勢下追得勁，隔了一場再跑，有賠率就博得過。
第4場 第四班（60-40分）1200米
勁多勝殺番上四班，級數冇問題，而白德民連117磅都要騎，誠意好夠，新勝馬唔似一招了格局。「超勝」整體條係最近三幾場較好一次，成績或可回升。
「高飛飛」已轉型成功，唔使再依靠速度打拼，落班便返谷草，仲抽到好位，預期展示出的能力會有一定程度升級。「好運精選」此程不及直路賽有把握，只因贏開才考慮。「百利旺」及「太陽昇」隔夜飛唔似。
第5場 第四班（60-40分）1650米
紅孖寶喼到出賽頻率係佳兆，而上場跟得太快居然唔大敗難得（頭兩段快過另一組近1秒），反映休出後的態況不會差到哪裡﹔呢次唔多馬會搶，容易掌握形勢，預期成績可大躍進。「駕馭」近績好，屬四平八穩分子。
「好友緣」已連揀兩次，演出亦仗比仗好，繼續跟進。「卡加小子」係擔心9檔的不利處境﹔「共同努力」大致相同﹔「奄尖大少」也是遇到同一問題。「雪山神駒」唔係跑變化地，隨時殺晒。「大東海」似乎處於反覆期。
第6場 第三班（80-60分）1000分
應變計劃有內檔在三班同程屬頂級好手，用埋小梁唔使負重，只要善用其跑法，能力在此夠贏。「威威財星」銳開，但外檔唔係冇風險。
「此時此刻」段段有的跑法，10檔未必蝕唔起。「星光活力」預料2檔令沿途慳晒，就算分數高企，仍然有Ｐ可能。「金鑽龍華」斷纜後長期都冇走勢。「砲嘜」上場大敗係因為陣上有阻滯，拉士唔係冇兩腳，大冷門在此。
第8場 第三班（85-60分）1650米
包裝猛將如果上場直路唔係揀錯跑線，至少會有Ｐ，總之此際當打，只要有步速利追，對手唔易抵擋佢嘅後勁。「超群如意」有番成個月調節，縮程唔擔心，但重磅的確係爭勝障礙。
「風之子」外地有晒1200米的實戰經驗，加程唔應該會被拖垮。「清風送爽」上場沿途攞位奇差，名次大落後不要嚇親，肯回到短途，唔好太早灰心，始終之前係一再閃閃身追得好嘅馬。「如日方中」轉場及加程，有好冇壞。「功力勁」卡士稍遜，但1檔幫到好多。 |
|
金睛卡
发表于 2010-5-26 13:27
变色卡
显身卡