洪禮賢講馬：秤先魄力寶

魑魅魍魉

　　第九場三班1400米。「談笑用兵」跑咗幾場，連Ｑ都未入過，但冇一場輸得遠，看來評分在7字頭有SO。近兩仗的殿軍唔係冇指標性，像前仗同程，賽前操練流程曾窒礙，唔會冇影響，然而拉士尚可壓住新近又贏嘅「蓬萊仙子」先過終點；上賽縮程有本事喺一堆泥地好手附近輸近，一樣有難度。今場加配備及回到此程，如跑回前次同程水準，三甲會有。

　　第十場二班1600米。「魄力寶」（圖）就算負頂磅，級數在此數一數二，始終早前仲喺一班上名，當時同緊「新力勁」肉搏，隔幾場落二班，實力分野太大，加上剛仗又跑番近，似乎回夠氣了；當然，呢次1600米冇1400米咁強，但計能力唔難入圍。