洪禮賢講馬：捧紅衣司令

魑魅魍魉

　　第十場一班1000米。「紅衣司令」（圖）復出跑來普普通通，其實又唔使太介意，始終向來都唔係休出會好那類馬，必須開氣後才交到貨，若以此推算，來到第二回合應該銳番，雖然這次轉到直路賽，往績唔叻，之但係，季初上名一役，攞位笨笨哋情況下，一樣可以力迫「同一世界」，揸住呢場賽績，呢次只係遇上大多為二三班之流，卡士夠晒。

　　第十一場三班1400米。「超力駒」一連兩場在接近降班邊緣分數郁手，睇得出練者唔係叠埋心水等落班出擊，既然谷草盲門都上到名，又在路程嚴重偏短的直路賽入圍，至少證明唔係冇態；今次跑番正宗的1400米，仲要孭到108磅咋，競爭力更大。