楝悉先機：家橋跑1000啱數

港陌

　　真係曳，講緊係自己嘅眼光！以為挑通眼眉，開鑼日搵啱對象，仲唔係潘頓揸旗，弊就弊在佢贏3W，阿棟只係揀中「上浦駿將」，重心嗰隻「錢照贏」，以為係獨贏「扣」，點知個騎師早段扣唔住，走多咗，最後幾步捱唔到，有時真係人算不如天算。至於呢期谷草夜賽，我覺得幾個細路仔有啲料到，話唔定做番齣好戲。

　　第一場四班1000米。「家橋」同晚有1200米唔報，特登轉到呢程，我睇未必係讓路性質，隻馬夠速度，可守好位，又可放頭，比較上，1200 米嗰場嘅廐侶「聖河」，因跑法冇大變化，一味靠追，如果調轉嚟跑，唔會出現雙贏局面。講番「家橋」，依家分數仲低過贏馬時，自然有利可圖，而何澤堯第一次過嚟谷草考牌，就有一匹咁好嘅馬，有機會先聲奪人。

大勇千載良機

　　第二場五班1200米。「大勇」上季中曾經放草，冇事唔會有咁嘅安排，而如果真係健康問題，咁就解釋到點解跑足一季P都冇，但換嚟減分速度進一步加快；在今場只負120磅，對住一批冇賽績根據嘅對手，的確係千載難逢機會，有埋配備變動，更覺有鬥志。

　　第六場三班1650米。「福喜」上季尾喺三班孭住頂磅跑兩場一哩，都係梗頸四，重磅係絆腳石，不過隔了一個短暫暑期，估佢嘅狀態會易於承接到。而今場負磅忽然減少14磅，嘩，邊有咁着數，我識計呢條數，何良唔會度唔到，咁好形勢唔會錯過，係就係好耐冇贏過，捧W可能冒險，博P諗得過。

點買法：

　　由於今期揀3隻重心都係細路仔嘅馬，有冇咁易贏得晒，話就話我自己有信心，又唔代表會成真！用咩策略，整條位置3x4，似乎更可行。如果要買Q，以第一搭第六場，用嚟過關，我認為過到嘅成數大啲。總之，希望今期生生性性，等阿棟可以鬆口氣。

陳華棟