大唐勇將有權食住上

港陌

人紅旺氣沒法擋，潘頓剛周日沙田開鑼戰大發神威，跑獲三冠一亞驕人成績，昨晨他為「千杯不醉」出試時雖不慎墮馬，但人馬絲毫無損，唔到你唔服。上季伍碧權與潘頓攜手三Ｗ，乃合作最佳之騎師，惜最終仍未能贏夠數，今季一於提早倚重此子搏殺，將上季馬房開齋馬「大唐勇將」交其操刀，冀借其旺勢重溫舊夢。
       
大唐勇將試嘉年華閘後上一衝過晒，走勢出色。

列陣第四場五班一哩的「大唐勇將」，早前在嘉年華試閘如飛殺上掄元，潘頓直言馬匹狀態理想，今戰降回五班作賽可重敲勝鼓。他說：「『大唐勇將』雖然在試閘贏的只是一批五班馬，但馬兒試來反應良好，在嫌短的一千米仍跟得上步速，尾段稍加推騎即趕過對手率先衝線，可見狀態勇不可當。今次降回五班對手較弱，排得三檔好位之助，形勢非常有利，允屬爭勝分子。」
       
心頭好抖完醒神

至於上季谷中開鑼戰助潘頓起孖的「心頭好」，今晚與潘頓故劍重逢，騎者續說：「『心頭好』早在五月尾已提早抖暑，休後養回體力，暑期一操即起，十歲馬季初特別醒神，埋門狀態對比上季初出贏馬時差不多，雖然季終只減一分不太有利，幸今場檔位理想，只要形勢配合，仍可爭取好成績。」