馬場紅綠燈

港陌

跑泥地八發八中

　　今季復操後，練馬師中以梁定華最積極，結果至今出馬十八次只得三席季軍，難道是雷聲大，雨點小？但今戰陣容不似陪跑格，一於繼上周三的「盈驥」後再博華廐馬。其中「八發八中」在港成績全在泥地賽取得，報爭曾入Q的1200米實砌。

健少

排檔標青可放到

　　跑過兩次賽事，贏馬機器韋達只憑「中華寶寶」贏一W，到底是否年紀大、機器開始壞？現時言之尚早，見過騎者上季尾力追柏寶的狠勁，實在不敢睇小這位十屆冠軍。今日韋達坐騎唔少，睇好第六場「標青」，排一檔啱晒其放頭跑法。

阿光

寶利多開竅用盡

　　連續兩期推介的馬P連都冇，不過上期隻「天下寶」輸得近，相信今期應到交代時候。薛達志馬房上季成績差，幸好今季好快已贏馬開齋，看來有心發奮圖強；第九場「寶利多」去季尾已開竅，連續兩仗冇W有P，練者一定把握機會用盡。

王其