太陽昇繼續上！

博彩老头

鄭俊偉（米高）與勞愛德經常合作，不過自六月初攜手贏「活力飛駒」後，至今已久未增添進帳，今季初更連番搏失，難怪練者近期對這位老將的表現頗有微言。周四快活谷日賽，米高給予勞愛德將功補過的機會，派出的四匹參戰馬，「最上」、「太陽昇」及「駿馬大師」均由德叔執韁，其中練者對於前兩駒機會較為睇好，期望騎者為馬房打開勝門。
       

鄭俊偉馬房今季升格為中型倉，除了多得「好友福」為他省靚招牌，「太陽昇」上季於四班三捷亦是代表作。此駒今戰將出爭三班千二米愛爾蘭錦標，鄭俊偉認為牠恃輕磅有力施突襲。
       
勞愛德：嘻嘻，今次得㗎嘞，執正啲入場拉頭馬啦！
三班孭輕磅夠砌

米高說：「『太陽昇』上季最後一場首次升上三班作賽，排外檔仍幾乎憑輕磅快放得手，反映牠在三班具備爭勝能力。抖暑後馬兒更趨成熟，今仗續於首本路程谷中千二米爭功，若抽得好檔，這匹前置馬負磅輕飄飄，隨時有力放到。」排位公布，「太陽昇」如練者所願抽得二檔，爭勝機會宜看高一線。
       
鄭俊偉：喂，跑咗五次德叔你都未交貨，係咪想唔撈先？

「最上」今季初出跑一千米直路賽，在勞愛德胯下姍姍來遲追入殿軍，鄭俊偉認為此駒應可取得更佳名次。米高續說：「『最上』上賽前泥閘試準，奈何因出閘緩慢，早段落後甚遠，以牠尾段大步撲上的佳勢本應穩入三甲，最後只得第四，勞愛德需負上一定責任。經此場熱身開氣，今出爭贏過的谷草千二米，預料此駒可跑回應有水準，只要出閘暢順，恃勇態有望傳來捷報。」