高清睇跑馬：勝任有餘 穩食尾胡

魑魅魍魉

　　「心路」居四班有三次亞軍紀錄，其中一次輸頸位，另一次則以頭位飲恨，難怪上季尾落五班首戰即上名；該場為總場次760谷草1200米，由於排十二檔，潘頓選擇留前鬥後，結果步速偏慢下，仍能負重磅後上跑第三，乃高水準之作。評分有利之馬今季加盟方廐，初出配何澤堯跑1200米已重飛出擊，但始終不是短途馬，排四檔起步後，前速一般，沿途不上不落，最慘是陣中連番受阻，最終姍姍來遲影相跑第四；今次改配柏寶兼增程至一哩用意向好，馬房強陣而臨，隨時會配合出擊。

　　上季「勝任有餘」於總場次359初跑谷草，排十一檔照落飛，雖跑第四未能一擊即中，但直路衝刺如箭已試準，接戰果然於谷草一哩坐正。勝後小休十日續跑谷草一哩，結果再下一城可見犀利；相隔兩個月後再出，牠則在總場次674的谷草一哩取得第三捷，雖然時間不快，其實是鄭雨滇知坐騎大把在手，才不想贏太遠而已。不要忘記該役是高分四班賽，不少蹄下敗將是三班馬，證明這次升上三班亦無阻力，再加上負輕磅及排二檔，爭跨季四連捷冇難度，乃尾場穩膽。

Sam