金德寶問你班猛男點追？

魑魅魍魉

索女多人追乃天經地義，追唔追到就係另一回事，冇番咁上下條件，盞浪費時間同心機。若然係好似今日第七場「金德寶」咁好條件嘅超索馬女，天生前速噴射，負磅輕得嚟又冇蝕，再加埋兩大護花練騎吳定強同勞愛德傍實，其他猛男想追埋身？恐怕唔係咁易！
       
金德寶上季輕取同程維多利亞賽馬會錦標，鞍上人贏到擰轉頭搵對手。
小姐脾氣冇相干

吳定強：雌馬一向脾性較為情緒化，而且隨着年紀漸長，起伏變得更大。早前「金德寶」試閘時又突然扭計，不肯入閘兼退出，亦是性格使然。不過，此駒以往沙圈亮相時亦偶有情緒不穩，陣上依然可以交足功課，不用過於介懷。今次雖然跑三級賽硬撼強敵，由於是讓磅場合，只須負115磅，兼由經驗豐富的勞愛德壓陣，可望趁對手季初未上力之際偷襲走甩。
       
蓮華生輝贏卡士

柏寶：「蓮華生輝」今季部署一如往年，仍會以年底的香港短途錦標為最大目標，因此目前狀態肯定未十足。不過雖然此駒傷愈兼久休復出，但早前試草閘走勢討好，而出閘反應欠佳純粹因久疏戰陣才會發生，相信陣上不會重蹈覆轍。無疑跑讓磅賽要負133磅，肯定有點壓力，但憑本身卡士仍力足爭雄。
       
開心歡笑仍新鮮

李易達：「開心歡笑」一向利跑新鮮，剛戰牠在特首盃與「天久」火併獲亞後，狀態並無低落，因此安排馬兒趁勇再搏。途程方面，「開心歡笑」今次縮程跑一千米應該問題不大，奈何同場有「蓮華生輝」等惡馬在陣，實不敢妄言爭勝，且看能否恃輕磅及勇態爭取最佳名次。
       
同一世界受讓筍

白德民：「同一世界」上季表現不差，無奈三度屈居亞軍而未能取得頭馬，實在非常可惜。單計短途實力，此駒足以站穩本地一線，雖然從未擊敗「蓮華生輝」，但今次受讓八磅對壘，或能藉此帶來驚喜。馬兒埋門試泥閘走勢不差，狀態已及水準，相信可以躋身前列。