楝悉先機：遇啱1檔 駟馬難追

港陌

　　今晚快活谷八場賽事，可能受到天雨影響，所以，即使在最公平的全闊A跑道上角逐，未必幫到純靠後追之馬，當然，如果有埋變化地性能嘅馬則作別論！另一方面，表面睇今期韋達及柏寶嘅坐騎揸晒旗，賽果係咪咁正路？阿棟有啲懷疑，其餘好手之中，就以潘頓為例，其實呢次佢嘅坐騎實力唔會比上述二人失色。

　　第二場四班1200米。「飛魚駿王」上場係轉到伍廐初出，演出比預期還要好，力拼不敵路程專家「超勝」，敗不足辱，始終可力退季軍「中華英雄」，賽績水準具說服力。由於開發到新出路，集中火力在此程上陣，帶出練者想早交代的決心，此匹剛有好表現之馬，值得再追。

唞完暑體力充沛

　　第三場四班1200米。「駟馬難追」能夠在沙田及谷草1200米入Q，論實力在此班不會被比下去，去季未能出頭，大概與本身的走規及體力扯上關係。今次乃季內首戰，既有一整個暑期補足體力，估計是場演出會具十足威力，加上有1檔之利，跑法上可能會較進取，如遇天雨場地起了變化，前領更加有利，大有機會一放到底。

　　第七場三班1200米。「駿蹄飛」稱得上是路程專家，往績已顯示出來。無疑今季在準備上曾出現瑕疵，慶幸在近個多月操練已回復正常，希望不會影響進度。雖然地淋未必利此駒後追，但牠曾在黏地上名，證明場地性能甚廣，倘是賽早段步速不慢，正中下懷。

點買法

　　今期賽事暗湧處處，部分熱門唔係咁穩陣，會點爆法真係難講， 買W 博第二、三場嘅「飛魚駿王」和「駟馬難追」。如果揀Q 場合，睇落第三場比較有譜，7拖5、9， 應該幾靠得住，如要買埋三重彩， 兼顧幾匹細冧吧馬，如「芙蓉威龍」、「一路順風」等。

陳華棟
資深評馬人