高清睇跑馬：神州八號收復前失

猪拉多纳

　　「神州八號」去季第二仗已勝，質素非等閒，再者該戰後上輕勝， 蹄下敗將有「時時攞彩」，可惜及後堅持增程上陣，連番落敗熱門拼失，幕後安排轉投東廐，告仔接手後很快派上陣，該戰未有表現，然而已在實戰中了解馬性，故此今季開鑼日立即出戰，甚至急不及待扳上1600米，該役總場次2，遇上不利步速，跑到第三已算合格，接戰總場次41同程繼續強勢出擊，名次進步跑第二，若非步速偏慢，又或者早段增速緩慢，以其強橫後勁，相信一定追到頭馬改寫戰果，上仗總場次72同程熱倒表現走樣，但睇番沿途不上不落，仲要冇遮檔，全程三叠望空，明顯輸在發揮，絕非馬匹力有不逮，汲取上述三戰教訓，今戰再戰同程會有耳目一新發揮，何況蔡明紹上周日馬起孖贏出信心，急於交代之馬值得再追。

驕陽飛駒泥優於草

　　「驕陽飛駒」澳洲12戰3勝4位，前季來港評87分，深受評磅員重視，在港首戰已是大熱門，誰料到至今23戰全告落敗，名大於實乃肯定之事，但畢竟由二班落到五班，相信爛船亦有三斤釘；再者上季落五班有進步走勢，尤其總場次712同程泥地一哩，排九檔形勢被動，尚要慢閘失先機，全程殿後處於不利位置，難得最後一樣追入第四，該役牠負重磅兼跑濕泥地，表現極之難得。該戰也是牠來港以來名次最佳一役，顯示泥地性能較草地出色，今季評分再減至新低，吼準泥地上陣決心盡顯，加上罕見兩試大閘，絕對值得投予信心一票。

Sam