楝悉先機：太極至尊泥戰掂

博彩老头

　　今晚清一色跑泥地，8場賽事主要跑1200米，有5場咁多。有時對住呢類場合阿棟都怕怕，夜馬泥地好多時唔利後追馬，直路亦好容易出現大塞車的局面，所以，今次揀馬，我會着重擺前走嘅馬，唔係唔想吼後上馬，始終歷史話畀我地知情況係咁，要拗氣都唔好搵今次！

　　第二場五班1200米。「搏得過」前仗初出上名，在田草1000米可壓倒「你知我知，按後駒再出點能勝，「搏得過」的第三名甚具水準。

　　至於上仗在谷草之敗， 大半程處三叠，哪有可能克服到，能夠輸得不脫節已算合格。今次又轉場地，此程則早有經驗，不會有問題，3檔起步不難沿路咬好位，賽事形勢應會有利，屬三甲分子。

　　第三場四班1200米。「太極至尊」超過1100磅，又係主動跑法，轉來泥地不會有太大疑慮。上賽跑谷草1200米臨尾才冇位置，多少係拜賽事際遇欠佳所賜。趁着態勇無理由唔想早贏，終於排內檔，可順應其主動跑法，畀佢貼到欄走，對手唔易反先。

勁快1檔放到

　　第五場三班1650米。「勁快」今季兩場皆放到末段力弱，礙於兩役賽事中的形勢，迫不得已放得過快，所以才一再不入前列，但跑了兩場仍不被評磅員減分，便知道陣中的走勢其實不俗。

　　今次終於回到上季尾大勝的泥地一哩，有幸抽到1檔，可望放到。

陳華棟

點買法

　　正如所指，今晚點都攬住一批主動型跑法嘅馬，「太極至尊」及「勁快」就係呢類，所以賭WP，我會優先介紹呢兩匹。QT場合則揀第五場， 揸膽當然係(14)，拖腳來來去去係嗰堆泥地好手， (6) 、(9) 、(11) ，三重彩就兼顧埋又係跑法主動嘅(8)、(10) 。