借題發揮：咁啱得咁翹兩駒１位 李易達師徒大好

魑魅魍魉

　　有時就係咁翹， 唔信都唔得，打個譬如，上期大摩「甜將」及「讚惑」，季內兩次約埋同日贏，結果禮拜六又係用呢條橋，身邊口痕友話，唔貪心嘅話，兩隻熱門W乘埋，有接近3 個開，算唔錯！阿jack即刻開口鬧爆，賭馬唔貪心，十個賭仔冇1個啦，乖乖見好就收，邊有咁好紀律，多餘！講開呢兩匹馬，下次再見同日出賽，真係要小心其他摩廐馬，期期硬係陰差陽錯只贏呢兩隻，餘下一概冇W，正正式式雷聲大雨點小。

　　至於谷草B欄，亦係好翹，打開往績一睇，如果今晚閣下想捧外檔馬，唔該，千祈唔好攞大鈔出嚟，一百幾十玩吓算，由上季尾到今季，整整3期B欄，８、９、１０檔贏咗4W，而大部分集中晒１至３ 檔，好多都係放頭贏返嚟。所以，明知故犯者，要買外檔＋後上，唔阻你發達嘞。

　　睇睇8場賽事，排內檔＋放頭馬唔係好多，李易達與楊明綸師徒嘅「大東海」同「開心好多」係唔錯選擇，咁啱都排一檔，前駒新勝而臨，後駒曾勝該程，基本因素亦夠。

Jack