洪禮賢講馬：第九場 ①⑩雙膽

猪拉多纳

　　第九場一班1200米泥地。「電光能源」與「大智慧」喺泥地同程都係準到冇朋友嘅馬，前駒跑5場贏4場（唯一敗仗直路塞死咗），後駒9場獲2W6P。佢哋既有往績可依，呢場用雙膽好正路。如果買Ｗ，因「大智慧」可能會高水多少，站於博彩角度會揀佢，雖然上季大家曾經對戰過，當時「電光能源」讓20磅，仲可以拋甩3個幾身位。但今場讓磅擴至24磅，話唔定會係反先嘅原動力。

　　第十場三班1600米草地。「曬冷王」上場有幾多成狀態嚟跑，就算鬆手啲去評估，未必有7成，唔好講臨場身形肥成點，剩係睇佢操練紀錄，賽前冇大閘、冇拍跳、冇落過草地，暑後又遲復課，講到陣上走勢，早段冇話跟唔住，直路撲上嚟個勢亦勁，只係叮噹馬頭冇咗Ｑ腳；省過1場，有工夫配合，收身及力度比前略好，安排埋增程，條件遠比上賽理想，目前未夠態亦唔代表冇得贏。