馬主論戰

魑魅魍魉

朝東之星繼續贏

　　告東尼剛啱憑「聖法理」贏馬，手風幾順，我睇好佢今晚都有馬贏。推介頭場「朝東之星」，上場跑谷草1650米，改用後追跑法一樣掂，證明五歲馬有進步，今次換巫斯義操刀，睇部署必打硬仗，可以再贏。

　　另外鍾意第四場「實業英雄」， 上場跑田草1600 米， 輸畀頭馬「越跑越有」唔夠一個馬位，今次轉跑谷草對手仲弱，出頭在望。

張敬山

大摩要再食頭盤

　　剛戰大摩憑「魔法幻影」捧走馬會盃， 部署精妙唔到你唔服，今晚摩廐三駒全部有實力，隨時再贏。先吼實第六場「頭盤」，上場彈甩「精算攻略」贏馬，四歲馬戰鬥力更上一層樓，今次就算孭重磅一樣夠贏。另一匹摩廐馬吼尾場「海王子」，上場末段內閃衝得唔順，最終都跑第三返嚟，今次轉跑谷草對手弱之餘，仲排埋一檔，可補中。

任達華

駟馬難追強配開齋

　　柏寶今晚手馬好惡，要贏馬冇難度， 先推介第二場「駟馬難追」，加面箍後近兩戰得一亞一殿，表現唔錯，今次強配柏寶，睇嚟已經心急贏馬交代，同場對手實力唔強，開齋在望。另一匹柏寶坐騎要留意第六場「勝利福星」，上場跑稍嫌短嘅谷草1800米照贏，今次增程跑以往贏過兩次嘅2200米，更加啱發揮，連捷可期。

寇鴻萍、梁廷鏘