輝灑自如：創出傳奇 ①擊即中

魑魅魍魉

　　即使如何看得通透、部署精妙，一場賽事的勝負總少不了運氣的支持。要數今季最失運的練馬師，我相信非葉楚航莫屬，19個賽事天只贏得4場頭馬，卻有17個亞軍。

葉廐係時候反彈

　　雖然冇正式統計過，但葉廐馬抽排外檔的比率也是數一數二的高，如「可愛人生」、「三和之星」及「闊袍大袖」等，先後在谷草或泥地一哩排了12 檔，但牠們都能拼入亞軍，可見航哥鬥志十足。正所謂「長路有盡時」，運氣再差也有反彈的一日，今晚谷草賽事之中，五匹葉廐馬最差也排六檔，更配合韋達復出而屯重兵，應是否極泰來的日子。韋達揀騎的三匹葉廐馬各有優點，頭場「創出傳奇」去季一落五班已走得接近，名次不起眼但走勢絕不失禮，今回亦是屢試大閘仄準才出，配合一檔之利，部署加形勢都天衣無縫，且看是否一擊即中。第四場「實業英雄」今季兩戰皆由韋達執韁，表現比起去季亦確實脫胎換骨，今回跑1800 米更合發揮之餘，抽得一檔對這匹均速馬來說更如虎添翼，亦屬爭勝分子。

　　另外，第五場「可愛人生」亦要留意，今季兩度在劣勢下都跑第二，尤其上賽因排在12檔的關係被迫留到最後，最後只落後「新意思」不足一馬位跑第二，是極出色的賽績，相比下今戰對手並不強，應到出頭之時。

朱鎮輝