高清睇跑馬：如願以償志在必得

魑魅魍魉

　　「如願以償」兩歲時已於新馬賽上陣，可見幕後認為進度已夠，果然於上季總場次605一擊即中，當時鞍上人係杜利萊，韋達則策「陽明飛飛」，不敢話刻意底出，皆因後駒再出即補中，可見兩駒同樣質高。

　　接戰「如願以償」於總場次688改跑田草1200米，排十檔起步下再次建功，並輕易彈甩「甜將」、「文武維揚」等惡馬，證明大把在手。插班後轉爭谷草慘遭滑鐵盧，純粹是質新馬欠缺場地經驗所致。

　　這次「如願以償」季內首戰再度捨田爭谷，本身有過窄場經驗之後，相信今次應不會重蹈覆轍，而且賽前準備積極，顯然志在必得，有力食尾胡。

Sam