雷勁論戰：勁飛寶 加程開齋

魑魅魍魉

　　周日蔡約翰馬房派出多駒參戰，其中不少是實力馬，相信會有頭馬見面，馬房中人認為最具爭勝機會是第七場三班1400米「勁飛寶」，以及第十場二班 1400米「川河勁駒」。「勁飛寶」上仗初出跑1200米即有好表現，力追「甜將」跑入第二名，僅以頸位之微見負而已，實力絕不簡單。今番增程跑1400 米對牠更加有利，有力出頭。

　　馬房中人透露，賽後蔡約翰大讚「勁飛寶」，末段以強勢挑戰「甜將」，姿態出色。雖然今戰再與「甜將」碰頭，但認為「勁飛寶」有反先之力。

　　「甜將」今季雖然未逢敵手，今次卻要負重磅，對牠不無影響，增程上陣其末段的衝刺亦未必及得上對手，所以當起的「勁飛寶」應可睇高多少。

川河勁駒條件有利

　　另外，蔡廐第十場「川河勁駒」亦是一匹實力甚強之馬，此駒亦是1400米好手，今次升上二班作賽，可以減輕九磅上陣，對牠亦有好大幫助，此駒能放亦能鬥，是一匹有前有後之馬，今次排六檔起步十分有利，負磅輕又有佳檔可恃，形勢有利。

　　同場最大勁敵是大摩「讚惑」，此駒上仗仍以輕鬆姿態取勝，實力在二班足夠有餘，只嫌重磅多少，又排在14檔起步，要克服這麼多困難實不容易，但始終馬未見底，潛力深不可測，今戰仍有可勝之機，是前駒的最大勁敵，兩駒各有長處，可望再串翻版連贏位。

　　此外，第六場的「勁高手」質新當勇，愈跑愈進步，拼後狀態保持大勇，近期操練仍見積極，馬身輕柔，彈力十足，口勁亦完全收斂，跑1800米亦無問題，加上負磅輕，佔有一定優勢，有冷門機會。