馬主論戰

魑魅魍魉

文武維揚三連捷

　　谷草向來都係內檔馬有着數，但對於超級馬嚟講，排外檔都唔會構成阻力，好似第五場嘅「文武維揚」，近兩仗跑谷草1000米，贏到好似斬瓜切菜咁爽，擺明係超班分子，今次增程跑1200米，即使排12檔都冇問題，三連捷在望。

　　另外鍾意第四場「浪漫添馬」，今季三戰非勝即位，演出夠晒忠心，今次抽到配鄭雨滇配搭唔錯，應該可以贏番一場。

張敬山

利之寶評分着數

　　近日天氣轉冷，唔知今晚賽果會否又吹冷風呢？不妨試吓向啲冷馬埋手，或者會有收穫。先揀頭場「利之寶」，上季響四班都上過名，依家降到26分一定有着數，用莫雷拉操刀實冇人信，一於吼實佢。

　　另外鍾意第二場「大家勝利」，來港後已做足備戰工夫，上月更試過兩課大閘，其中月尾一課贏得好精采，今次初出隨時一鳴驚人，值得捧場。

任達華


寶成智星夠主動

　　今晚舉行騎師賽，尾兩關莫狄嘅坐騎實力唔錯，話唔定有馬贏。
先講第六場「寶成智星」，季初壓倒過「金堡龍華」入Q，應該仲有分響手，今次跑番谷草一哩，跑法主動嘅馬抽到二檔起步有利，話唔定可放到。

　　至於第七場「正歡騰」，上場響谷草2200米跑第四，只係輸畀頭馬「大紫荊」半個馬位，狀態已經跑番起，今次縮程係時候見真章。

寇鴻萍、梁廷鏘