高清睇跑馬：如願以償守尾門

猪拉多纳

　　「勝任有餘」上季尾轉戰谷草一哩即連贏三場，今季首戰跑同程又得手，其中被牠拋離的「活力奔騰」之後得兩勝兩位，可見賽績優秀。雖然近兩戰無功而返，然而前仗於總場次120跑同程排九檔，早段對手同佢鬥快，本身亦要走蝕位，形勢惡劣情有可厚；上仗轉爭谷草1800米跑第六，全因氣量不足所致，今仗賽前積極備戰，回師首本路程1650米，有力贏馬補中。

　　「如願以償」上季曾在谷戰大熱死火，但今季仍刻意部署渡江出賽，初出一役於總場次184跑1200米，排十一檔仍落重飛搏殺，老實講韋達發揮已一絕，一早切入內檔賺盡形勢，無奈季內首戰欠熱身，拍住衝刺時僅輸頸位得季軍。上仗於總場次218跑同程，這次仲要排十二檔，幸好韋達能人所不能，起步後即極速切入，雖未能埋欄但也居於二叠減少蝕位。難得的是直路撻着後，衝刺力較前勁得多，並以短頭位氣走「同心威駿」取得今季首捷；這次繼續出戰三班賽難尋對手，排九檔亦較近仗理想，路合馬勇穩食尾胡，如合心水不妨以「勝任有餘」及「如願以償」投X第七口孖寶。

Sam