洪禮賢講馬：蓋世子牙 掌握形勢

魑魅魍魉

　　第六場三班1650米。「伽羅」跑咗4場，仍不斷在路程、配備及跑法上摸索，終在剛賽贏到，係咪意味着已經搵到竅門，個人不以為然，若不，今仗都唔會繼續轉場及加頭罩。

　　事實上，睇番上場「伽羅」沿途表現，依然唔係好穩定到走勢，一樣人馬角力，在中段隻馬跑跑吓自己彈出外叠，不過卻能貫注到尾，點解有咁嘅本事，有可能係跑法上較前進取有關（外地曾以中置戰略勝出）。

　　呢次轉到谷草，應唔應付到，並冇保證，一來，排檔唔係特別好；二來，之前未試過谷閘。好在來港前最後1W係喺場仔勝出，希望急彎性能唔會差。而轉用頭罩，如改善到陣上操控，前中段唔好太嘥力同騎者鬥，拉士或會更韌，計落仍有再W機會。

回師一哩贏面大

　　第七場三班1650米。「蓋世子牙」剛仗直路有冇被撞都好，末段勁勢真係比唔上跑一哩嗰陣，似乎現時長力未至於在1800米都贏得。今仗回到主項，兼轉用蘇狄雄，兩樣改變有好冇壞，排埋C+3欄內檔，啱晒佢守好位跑法，整場形勢盡在掌握中，贏面幾大。