洪禮賢講馬：凱旋昇輝 二班夠惡

猪拉多纳

　　第九場二班1000米草地。「凱旋昇輝」前仗同程跑第三嘅指標性好高，喺佢左近嗰堆馬計有「小橋流水」、「共創未來」同「萬事佳」，3駒之中往後最曳都贏場一班賽，前兩駒之後雖然贏唔到，但1隻喺馬會短途錦標跑獲季軍，另1隻喺正本戲得第四，賽績唔嘢少。而「凱旋昇輝」喺嗰場曾經嘥時間取位，假設唔係衝程轉折，話唔到會更有威脅，伸算佢喺二班，級數唔係人咁品。

　　「凱旋昇輝」上賽跑1200米拉士衝落唔算特別貫注，係輸在沿路比頭馬多走腳程？定係實力不如？抑或未夠態？可能各樣都有啲，但臨尾有本事搶去新勝嘅「富高勝」Q腳，演出總算收貨。此外，喜見此駒閘前反應比前銳得多，再冇之前兩場慢閘毛病嘞；轉回直路賽，已經跑過畀大家睇，能力信得過，只要14 檔唔係末段塞死嘅糖衣陷阱，有望出頭。

豪情拍檔三甲穩

　　第十場三班1600米草地。「豪情拍檔」上場跑到有痰，係生平輸得最遠1場，如果冇病冇痛、陣上又冇阻，其實佢好少會跑得差，當日四班如是，升到三班一樣係咁。復課冇耐工夫正常番晒，近試唔覺有咩問題，而由於排好位，隨時用番跟好位跑法，效果仲好，就算佢評分已冇咩着數，亦唔排除有三甲。