兩次贏馬同一個Look 好得意複製第3W

港陌

徐雨石於剛周一憑「瀟灑福星」泥地爆冷，暫時已累積15W，為華籍練馬師之首。輪到周末元旦大戰，徐廐精選六駒參戰，實行食住旺勢由2010贏到2011，當中列陣第九場的「好得意」，最近一口氣兩勝，無論路程、負磅、排位、贏馬時間及姿態都幾乎一模一樣，今次再跑千四巧合地又抽到食胡位8檔，石哥複製第 3Ｗ，好似影印機按個掣咁簡單！
       
好得意前仗及上仗，均以同一姿態衝線，贏到收韁！

四歲當銳的「好得意」，近三戰跑田草千四米先後取一亞兩冠，上仗遭韋達棄騎，但改配楊明綸依然輕鬆掄元，兩仗同造1分22秒6佳速。今趟雖然初上三班，但韋達即索回主策，難怪徐雨石有信心馬兒可爭三連捷，他說：「其實剛戰韋達並非揀錯馬，若果『醒目精英』不是抽14檔，應能給予『好得意』極大威脅。不過，『好得意』的演出亦極具說服力，今次升上三班依然惡氣十足，可望使出最擅長的快放跑法，再一次由頭放到尾。」
       
韋達
華劍寶鍾意新騎師

至於另一匹列陣第一場之新勝馬「華劍寶」，今次續爭五班田草千二米，鞍上人卻改為澳洲年輕好手安國倫，石哥同樣樂觀地說：「『華劍寶』上仗於田草1200米取得本身第三捷，三次贏馬出自不同騎師，今次換安國倫執韁，於新配搭下可望擦出火花。由於此駒已抖個多月，故此早前刻意試一課泥閘，喚醒其角逐情緒，埋門狀態甚佳，力足再拚。」