洪禮賢講馬：共創未來 卡士高晒

魑魅魍魉

　　第十場三級賽1400米。「共創未來」終於唔再跑短途，肯轉番嚟中距離賽事，預期競爭力隨之大大增強，繼續跑group亦唔代表冇機會贏。

　　由於上季已在1400米跑過畀我哋睇，有本事同當時弗緊嘅「愛跑得」互有勝負，實力唔嘢小，尤其贏馬一役，彈甩晒對手嘅姿態，仲要締速唔錯，推算負120磅在今場唔會失勢。

　　而睇佢上場國際賽表現，略嫌白德民喺演繹上hea多少，如果喺直路鬥爆之際，騎者唔係「了吓了吓」，肯開行「水潑」，手推腳踢，衝到入三甲嘅可能性幾大，但亦證明到目前唔係冇狀態；加面箍唔知幫到幾多，只要冇反效果，預期今場早段唔會慢，夾佢嘅守好位跑法，應該係爭盃主角之一。

安鞍刻意跑中距離

　　第十一場一班1600米。「安鞍」跑開1400米，今仗又轉到1600米，會唔會重蹈覆轍，好似上季第二回合咁，加程即撞板，機會一半半，但練者其實冇必要咁做，同埋再安排隻馬喺一班跑，因為1月賽程裡，二班1400米多的是。撇開疑慮嘅話，近日工夫有晒搏馬feel，而剛仗加罩又有成效，今仗跑得再好啲唔意外。

洪禮賢　馬會賽馬節目主持