高清睇跑馬：黃金褭蹄後勁強

魑魅魍魉

　　第六場四班1600米，「黃金褭蹄」今季首兩戰表現不差，大前仗落四班跑近，接戰即吸引柏寶垂青，雖然三甲不入僅跑第四，但直路衝刺如箭，甚至爆出末段最快時間23.5秒，比起第二快的「福至心靈」足足快逾0.3秒，可謂雖敗猶榮，何況該戰三甲馬實力強勁，「魔幻大師」和「競駿寶寶」前途無限，季軍「香檳歲月」亦贏馬補中，證明賽事水準極高。

加程有助爭勝

　　「黃金褭蹄」上仗在總場次261四班1400米再次跑第四，該役彎尾愈走愈外，蝕位多，最弊入到直路未能立即望空，直至過了三百米處才可衝刺，加上步速偏慢，再次後上不及可以理解。現時評分一定有優勢，今戰加程跑1600米有利追趕，值得追捧。

　　第七場三班2000米，「包裝選擇」一出即勝1400米表現出色，不過繼後兩戰未能添食，並非實力不如人，只是不斷增程未能適應，仲要負重磅又排外檔，難得如此劣勢，依然有好表現，取得一亞一季，可謂極之難得。

　　上仗角逐總場次208田草三班1800米，此戰首次三甲不入，只能屈居梗頸四當然一地眼鏡，不過該役強手林立，且孭頂磅出戰，睇番之前三戰次次留前鬥後，搵遮擋待入直路抽出外檔望空衝，此戰卻突然搶放，完全違反最佳跑法，亦因為該戰發揮不好，賽後被問話，今戰捲土重來，再睇上仗冠軍「活力奔騰」及亞軍「勁高手」接戰非勝則位，今戰應可收復前失。  

Sam