馬主論戰

魑魅魍魉

滙名燈大放光芒

　　方嘉柏今日手馬幾惡，我睇好佢有馬贏，最啱心水係第六場「滙名燈」，服役以嚟未甩過前四名，絕對係一匹忠心馬，上場轉跑田草1200米亦走入一席第三，只輸畀頭馬「搏得分」兩個幾馬位，今次跑番最耍家嘅谷草1200米，贏馬可期。

　　另外鍾意第三場「田園名駒」，上場贏馬姿態出色，點計都唔係四班留得住嘅馬，今次排外檔都有贏面。

張敬山

蘇保羅繼續追月

　　剛啱蘇保羅終於憑「精奇」取得季內第二W，其實佢嘅練馬功力唔曳，相信頭馬會陸續有嚟。今晚蘇廐出三駒，全部都有一定贏面，第二場「金滿貫」上場放入第四，已經試準晒走勢，轉爭谷草隨時贏得。另外，第七場「追月」都要留意，連續兩仗跑第三，證明近態好弗，今次負輕磅上陣，梁家俊騎慣騎熟，話唔定可贏番一仗。

任達華

旺國手演出夠準

　　剛啱方嘉柏憑「星運俊爵」爆冷贏馬，睇嚟搏殺手風開始轉順，今次一於吼實佢手馬。最啱心水係第五場「駕世仔」，上場響田草1600米放入一席第五，跑起上嚟有板有眼，證明冇受早前墮馬影響，今次轉嚟谷草上陣，有望一放到底。

　　另一匹方廐馬吼尾場「旺國手」，今季跑五場獲一勝三位，演出夠晒準，續配湯智傑會有合理分頭，值得一博。

寇鴻萍、梁廷鏘