雷勁論戰：醒目精英收復失地

猪拉多纳

　　何良馬房的「童夢」上仗初跑泥地即以輕鬆姿態打開勝門，贏來十分輕鬆，可見是一匹有超級實力之馬。上仗拼後，此駒狀態仍保持甚佳，今次雖然升上四班作賽，但馬房中人均對牠十分睇好，認為有力再贏。

童夢再下一城

　　「童夢」上仗在泥地1200米由頭帶到尾，贏來有餘未盡，今次再跑同程，較上仗少負11磅，對牠更為有利，幸運地抽得二檔好位，預期可貼欄順放，加上輕磅之利，要再勝不難，梁明偉難得有惡馬在手，必會悉力以赴，值得睇好。

　　同場對手之中，要留意胡廐「風陵渡」，此駒亦是泥地好手，馬有班底，抽得三檔好位，且交由紀仁安執韁，應可發揮其潛力出來，是前駒最大勁敵。此外，上仗在同程走入冷位之「乘奔御風」亦值得留意，已證明泥地性能出色，乘勇再來亦有一爭之力。

　　另外，第六場摩廐「醒目精英」亦有極大取勝機會，此駒季內三戰兩入Q，早已證明是質高分子，上仗成熱倒灶全因腳踏移位，與實力無關，今番捲土重來必會盡拼，馬已試準，1400米亦是其所長，有力贏回一仗。

　　同場對手要留意蔡廐「多利皇」，上仗初出即欲搏殺，卻被突然神勇的「消費王」所擒，但有過上次經驗後必會有更進步演出，要防。此外，「新三刀王」質新當起，亦是有力爭入三甲之馬。