資料特區：法將連贏十六日 捧杜利萊豐衣足食

猪拉多纳

　　【本報資料】雖然近年本地馬圈以南非騎師的成績最突出，但今季法國騎師的表現亦佳，對上十六個賽日均有頭馬進帳，既然有路可捉，今日不妨從杜利萊、巫斯義及紀仁安的坐騎中揀選心水買WP過關。

　　三位法將之中，今季以杜利萊的成績最好，目前暫以十九W排於騎師榜第五位，而且對上一個賽日亦有馬贏，可謂旺氣迫人；早前他因陣上違規，今戰後須停賽兩日，相信這次必可拼則拼。至於十匹坐騎中，贏面最大的是列陣第五場四班1400米的「豐衣足食」，上仗初配杜利萊跑田草1400米，排十檔起步的牠一度受困下追回一席第三，落後超班馬「勁飛寶」兩個半馬位，亞軍「開心老友」再出仍上名，足證「豐衣足食」今季續有進步；這次報爭65分為上限的四班賽，顯然佔班次之利，係時候重開勝門。

巫斯義繼續揀得準

　　至於巫斯義對上三個賽日均有馬贏，搏殺手風同樣極順，這次胯下七匹坐騎中，頭場「揀得準」轉投東廐次仗即勝谷草1000米，可見這匹七歲馬寶刀未老，這次續配巫斯義轉戰泥地1200米，信練者功力隨時再下一城。另外，紀仁安在港披甲以來，騎技及鬥志俱獲好評，今戰策九駒亦不乏實力分子，而列陣第六場的「漸信良駒」跨季七戰全入前五名，表現準繩的五歲當打馬，縱使排十四檔亦不能睇小。