錢照贏二班冇有怕

港陌

11月24日贏完「錢照贏」之後，潘頓一下子沉寂下來，守齋個多月才於元旦日憑「小橋流水」打破悶局，在2011年掃走霉氣後，在跟住兩次日賽都有進帳。既然手風轉順，當然乘勝追擊，今季已取2W的「錢照贏」，將是潘頓周三谷戰的頭馬希望。
       
「錢照贏」上仗從容勝出，三升二依然惡氣十足。

上仗在三班谷草1200米一放到底的「錢照贏」，周三升上二班角逐，潘頓認為勝算仍高，他說：「『錢照贏』質素頗高，在港初出已跑獲亞軍，可見成熟程度理想，而且適應力強。此駒谷草性能卓越，所以上仗初次轉場出擊即能傳來捷報，我並不感到意外。勝後升上二班角逐，即使今場快馬林立，相信『錢照贏』在速度上仍然佔到優勢，而且負磅不重，只要陣上發揮水準，憑質態有信心能克敵制勝。」
       
「勁力」（前）試谷閘輕鬆撲上，對場地相當適應。
勁力輕鬆贏谷閘

同樣來自姚廐的「勁力」首度登場，做足工夫而臨，潘頓亦有甚高評價，他說：「『勁力』先後試過三次大閘，無論是田草、泥地及谷草均交出不俗走勢，月初在我胯下贏谷閘，走勢輕鬆，狀態已到位。畢竟谷戰比較講求排位，今仗若有好檔配合，陣上又能穩定走勢的話，一鳴驚人絕非奇事。」
       
潘頓

上仗田草1200米在潘頓胯下後上殺入一席的「齊鼓掌」，今次轉場出擊，騎者認為馬兒近況理想，不過谷草直路較短，需要有快步速幫助才能發揮本身後勁，若臨場有形勢配合，依然有力闖入前列。