洪禮賢講馬：新力勁匆出有計

港陌

　　第十場一班1400米。摩廐3駒在陣，覺得「新力勁」最有冠軍相，匆匆再除咗賺分（剛入Q被加4分），仲賺埋對手「降機」，跑開G1對緊國際賽嘅強手如「締造美麗」和「魔法幻影」，落到115分及以下嘅一班賽，就算磅重，亦會有優勢。

　　本身匆出曾有唔錯成績，仲要唔只1次，對上幾季試過喺8、10和11日之內跑兩場，冇1次唔喺前列返嚟，所以，大摩趁好再跑嘅如意算盤，應該會打得響。再講，上季在主席短途獎，又係同今場差唔多形勢，結果巫斯義坐騎（就係「新力勁」）比白德民坐騎先過終點，話唔定橋唔怕舊，今場又受！

　　第十一場二班1600米。「陽明深心」與「何方神聖」等5駒，齊齊報咗打吡，邊隻爭到分？唔係有概念就大晒，都要睇能力。如果計近績嘅難度，「陽明深心」由1200米轉1400米，仲要應付升班阻力，最終仍然贏得到，雖與「軍事行動」勝負在頸位之間，仲係沿路貼欄賺晒，但要諗吓只係在港跑第2 仗，已經有咁嘅本事，冇大量虛分點會做得到，唔通當時119磅真係幫得晒！？今仗加磅、加程又冇埋內檔，條件與上場唔同晒，難度再提高，不過以佢嘅性能，此程或比1400米更好跑，如10檔唔係被頂在大外叠，只要前中段守到好位，入到直路大家靠檻，唔會輸蝕畀任何對手。