江山如畫 再繪勝圖

猪拉多纳

誰是兔年首位贏馬練馬師？初三食頭胡的「夢想家」胡森？錯！皆因姚本輝早在香港時間大年初一深夜，已憑「電光能源」揚威杜拜，搶飲頭啖湯。今晚人日此位旺人遣新勝之「江山如畫」角逐紀利華木球會盃，大可食住旺勢，再繪勝利藍圖。
       
江山如畫（近鏡）剛戰頂得住東方駿馬成功開胡，演出令人眼前一亮。

姚本輝：「江山如畫」自前仗加配頭罩上陣後，走勢明顯大有改善，剛戰轉爭谷中一千米，可壓倒銳氣正盛的「東方駿馬」打開勝門，評分反彈勢頭應未止。今次重返回三班，換上黎海榮負輕磅，配合三檔好位，可望繼續交出最佳水準。對手方面，「多益善」上仗初出已顯示頗強戰鬥力，應是「江山如畫」爭連捷的最大威脅。
       
姚本輝:遠睇似幅畫，近睇誇啦啦！(設計圖片與對白)
多益善縮程仲正

吳定強：「多益善」剛戰在港初出角逐谷草千二米，雖抽十檔劣位，起步後仍迅速切入內欄，足見前速之銳利，可惜當晚馬兒頭兩段開得太快，拉士力度稍為減弱，最終只得梗頸四。熱身一仗後，今次縮程跑一千米應更合發揮，盼可在韋達胯下凱旋而歸。
       
科研精英谷草掂

卓利：「科研精英」以往跑泥地較有根據，剛戰谷草一千米卻突然神勇，一放到底掄元，拋離對手兩乘許且締速甚佳，反映跑谷草短途亦具競爭力。無疑今仗多負八磅，且同場不乏快馬，對「科研精英」構成一定壓力，但只要交回本身水準，仍屬前列分子。