楝悉先機：共同開心後勁驚人

猪拉多纳

　　今日有場三級賽港澳盃上演，主隊贏定係外隊醒？撇開投X角度，其實邊個贏冇乜所謂，當初舉辦呢個盃賽，旨在交流及促進兩地馬會的關係，友誼第一是也。故此，大哥捧盃，還是細佬叻啲，都係皆大歡喜，唔使計到咁足，同一祖國嘛，最緊要兩會關係好就夠。

　　第五場三班1400米。「黃金褭蹄」上場輸喺泥地及跑法，完全唔關實力問題。今仗回到1400米，機會自然不唔同，前仗可在三班此程後上入P，證明在此班負輕磅唔係冇得揮。預期今仗有廐侶開路，步速唔會慢，佢嘅後追跑法一家大派用場。

　　第八場三級賽1400米。「共同開心」未去澳門之前，曾在新西蘭贏過一級賽，而佢喺澳門曾贏5W，睇佢贏堅尼預賽及春季錦標，都係跑1400 米，充分顯示路程性能，同時，佢嗰段後勁真係好得人驚。一望落今場，快馬多到喊，主隊有「錢照贏」，客隊有「合浦勇將」，真係想慢都難，如果利後上，開正佢嗰瓣！

智多飛進幅超想像

　　第九場三班1800米。「智多飛」直落贏3場，阿棟唔係認叻，但第1W 已經捉到佢正一正，之後喺四班再贏亦係意料之內。至於上場，賽前唔係對佢冇信心，但勢估唔到，可以贏到好似唔同班咁款， 進步之大， 的確超出所想，睇嚟好快上一班，所以，呢場應該「依絲執」。

點買法：

　　由於心繫澳門馬，捧硬「共同開心」，隔夜十幾倍W，跑P 都好分啦。如果獨贏要孖多隻，唔使講，梗係要「智多飛」，勝在肯搏， 實有鬥志。而重心Q 就揀第八場， 由於有賠率，建議買埋PQ。


陳華棟