高清睇跑馬：博愛福星王牌搏

猪拉多纳

　　第五場「博愛福星」初出總場次258田草1200米走勢平淡，上仗總場次407增程至田草1400米，抽排劣檔下冇人睇好，騎師因應外檔環境採取留後跑法，可惜際遇不佳，早段因受阻被迫勒避，其後又搶口，轉彎才收斂起來，入直路本來諗住走出外檔追，點知前無去路，惟有入番內檔再衝過，跑過二百米處，又被「駕寶」及早搶去「金巴利來」與「風雲武士」間的有利位置，被迫進一步向內移入。若果牠一早取得該位，就可以及早望空，成績應會更佳，兼且同場唔夠佢衝的「駕寶」及「百利拍檔」，其後同樣贏馬補中，反映該戰水準甚高。「博愛福星」賽後立即辣操試課大閘，甚至搵柏寶執韁並且出王牌上陣，明日再戰1400米，決心之大有目共睹。

軍士唞足出擊

　　第六場「軍士」上季頻頻出戰，賠率多次在十倍以下，埋單計數僅得四亞，幕後當然唔滿意，加上今季頭四戰全部大敗，賀賢痛定思痛終於變招，大前仗總場次286幫佢加個眼罩，果然試出彩虹贏馬開齋，擊退其後五戰獲兩冠兩亞的「永得勝」固然是超強賽績，但在該戰步速不快，全程轉彎走三叠，出彎更走五、六叠的情況下，後來居上更出色。

　　接戰總場次325此駒雖由龍變蟲，但可怪增程1600米未及適應，上仗轉戰總場次352谷草1650米，全程守好位跑得一絕下入Q，拼罷馬房安排牠小休一會，目的是儲足體力留待今仗1400米搏殺，戰意討好兼且對手爾爾，分頭不俗下可睇高一線。

Sam