高清睇跑馬：文武維揚唞夠W

魑魅魍魉

　　「好得意」上仗於總場次546出戰泥地1650米，排十一檔亦落飛搏殺，可見有人信心爆棚，但出閘後未有刻意搶放，結果被頂出三叠角逐，走蝕位下仍在楊明綸胯下保住一席第三，反映馬匹極之忠心，亦肯定目前評分有上升空間。今次相隔一周匆匆出戰，看來幕後亦不滿意上仗鞍上人的發揮，所以今次安排「好得意」回配韋達兼轉戰谷草1650米，難得同場出馬少，以其主動跑法應可一早進佔前列，力足重開勝門。

　　「文武維揚」只得三歲，但已取四冠三亞，並成為今季的跑馬地百萬挑戰盃盟主；睇番之前的贏馬過程，次次留後鬥爆一段，於直路短的谷草賽事已算難度高，兼且似乎愈贏愈輕鬆；至於前仗在總場次386贏谷草1200米時，除首度在二班角逐外，當時並改用跟前跑法，但仍跑出1分09秒16的今季同程最快時間。

　　上仗「文武維揚」在總場次422雖屈居亞軍，但初跑一班兼全程望空，再加上休息時間不足，能取得第二已算有交代；今仗小休接近兩個月才復出，相信戰鬥力應較上仗更強，而賽前安排試閘亦係馬房一貫搏殺手法，回配柏寶穩操勝券。

Sam