馬主論戰

魑魅魍魉

京城孖寶落班惡

　　吳定強剛啱贏咗「哈哈妙」之後，今季已經累積12W，今日馬房出馬唔少，應該可以贏夠數上岸。推介第二場「京城孖寶」，今季跑過五場，路程全部係泥地1200米，擺明已認定係目前最佳路程，今次落返嚟五班，對手實力差一截，頭馬手到拿來。另外鍾意第九場「大把在手」，近六場非勝即位，響三班跑泥地惡氣十足，坐位望贏。

張敬山

愛蓮武士施冷箭

　　今日唔少場合似明實暗，話唔定會連場爆冷，揀馬宜冷敲熱避。推介第三場「愛蓮武士」，前仗響田草1200米跑第五，已經試準走勢，上仗狂放輸咗可以不理，李廐呢場出兩駒，佢未必係副車，成冷值博。另外鍾意第六場「火耀雷霆」，上仗響五班爆咗一場，今次重返四班上陣，計底質其實都唔輸蝕，再配史卓棟兼繼續執到一檔好位，話唔定可再贏。

任達華

轉攻泥地一定爆

　　告東尼剛啱憑「快樂無窮」同「威利旺旺」起孖兼捧盃之餘，仲以一W反壓大摩重返榜首，今日呢個馬房又有一棚惡馬，睇嚟攻勢陸續有來。鍾意第八場「勁闖駒」，近四仗冇W有P，表現夠晒準，季內跑過一場直路賽即贏，回師強項一定鍊盡。另外推介第九場「一定爆」，上場贏到對手冇得跑，肯定仲有分響手，早於一月已贏過泥閘，轉跑泥地可以再贏。

寇鴻萍、梁廷鏘