阿積士氣吞川迪

猪拉多纳

15/05/2011
文： 笛子波童

荷甲今晚煞科，九場波同時於晚上8時30分開賽，阿積士、川迪繼上周荷蘭盃後再度合演冠軍爭奪戰，阿積士上次領先兩球痛失錦標，今次返回自己地頭有超過五萬名球迷支持，憑歇冬後主場七戰全勝氣勢力足贏波封王，波童捧1.78倍主Ｗ。（now 639及周日晚8時30分直播）




川迪、阿積士呢場生死戰唔單止決定冠軍誰屬，而且亦關係到下屆邊隊踢歐聯，由於排第三嘅燕豪芬喺得失球差方面好過兩者，假設燕豪芬於同時間擊敗格羅寧根，川、阿邊隊輸波就會失去歐聯參賽資格，如果川、阿和波，阿積士亦會以較差得失球跌落第三位，今場比賽有幾重要可想而知。


川迪作客得千幾張飛


雙方上周末在荷蘭盃決賽碰頭，阿積士在領先兩球情況下，踢至加時反輸二比三飲恨，無疑對士氣造成打擊，不過今次返回阿姆斯特丹主場出戰，而且吸取咗上次教訓，今次應會更加打醒十二分精神。單計下半季主場成績，阿積士表現可謂無懈可擊，七場聯賽全勝之餘，合共攻入十八球只失一球。今場超過五萬張門票早於一個月前已經售罄，當時球迷仲未知道呢場會係冠軍爭奪戰，相信臨場氣氛會更熾熱，據當地報道，川迪球迷今仗只獲分配千多張門票，聲勢上和主隊根本冇得比。




阿積士今場續有前鋒艾咸達奧和正選門將史基倫堡倦勤，不過後者已缺陣一段時間，其他攻擊球員如施安迪莊、基斯甸艾歷臣近期亦狀態大勇，足以填補前者空缺，影響未算太大。雖然川迪和波足已封王，但睇番佢哋下半季作客表現一般，面對實力稍遜嘅迪加史卓普、烏德勒支都失分，今次對住直接爭標對手壓力更大。阿積士和波都唔掂，目標鮮明加上有主場之利，一於博佢哋贏波捧盃。


捧埋燕豪芬洛達Ｗ


荷甲其他賽事，剛才提過燕豪芬只要作客擊敗格羅寧根，便可穩奪下屆歐聯入場券，1.7倍客Ｗ信得過。洛達主場對海倫芬，洛達最近三次贏波合共轟入十五球，海倫芬主力維利倫停賽，戰鬥力大打折扣，捧1.62倍主Ｗ。