米爾頓凱恩斯拔頭籌

猪拉多纳

15/05/2011
文： 路西法

英格蘭聯賽今晚將會上演兩場附加賽首回合賽事，分別為英甲米爾頓凱恩斯主場對彼德堡（周日晚７時15分開賽），及英乙史提芬納治主場鬥阿克寧頓（周一凌晨１時30分開賽）。米爾頓凱恩斯近況較佳，加上主場出擊，有望先拔頭籌；阿克寧頓防守出色，縱使作客亦無懼色，受讓值得捧場。




先講英甲附加賽方面，兩隊實力接近，但若以大家近期在主、客場表現，則以米爾頓較有優勢。米爾頓除近期勝仗頻頻外，若計球隊近七主場，亦錄得五勝一和一負，證明其主場威力更強，反觀彼德堡季尾表現稍稍下滑，近六作客只贏過降班球隊杜根咸，今仗作客鬥強手，未必能全身而退。顧及兩隊近期同樣攻力不俗，今場除捧主隊外，入球「大」亦揀得過。


英乙附加賽捧阿克寧頓


至於英乙附加賽一仗，阿克寧頓近況硬淨，自三月中至今連續十三仗不敗，當中亦不乏在落後下成功扳平的賽事，就算作客亦值得捧場。史提芬納治防守力本來冠絕英乙，整季46戰只失45球，係英乙失球最少一隊，但球隊防線臨近季尾卻開始走樣，頻頻失波，以致近六仗只曾一勝，今場要讓波，不宜捧場。