洛達剝牙冇手軟

猪拉多纳

19/05/2011
文： 笛子波童

荷蘭聯賽今晚上演四場附加賽首回合，歐霸盃資格賽海牙主場鬥洛達，海牙季尾大跌Watt，最後四輪聯賽全部輸晒，洛達對賽往績佔上風，作客有力保不敗，捧1.8倍 「讓球客勝」。 （周五凌晨2時45分開賽）




海牙過去兩季均在護級漩渦打滾，今季在新教頭雲丹布朗帶領下，加上神射手亞軍布利堅嘅優異演出，成功殺入前七，有機會爭取一張歐霸盃入場券。


海牙搏到季尾散晒


不過，未知是否海牙太早拋離往後競爭對手，去到季尾戰意突然鬆懈，最尾四輪聯賽竟然全敗，對球員信心或多或少有一定影響，而且佢哋近年對洛達都冇運行，近六次對賽只得三和三負，如果單計主場，海牙近六次更錄得兩和四負劣績，以球隊近期狀態，睇怕都好難打破呢個不勝宿命。




洛達除咗往績上佔優，攻力亦不比海牙遜色，丹麥射手真卡今季取得二十個聯賽入球，僅比海牙布利堅少一球，另外夏杜亞、史高保及威廉贊臣等都係擅射嘅中前場球員，有足夠條件反客為主，「讓球主客和」受讓可取。


荷華高斯有地利秤先


另一場荷華高斯主場對格羅寧根，兩軍同屬主強客弱球隊，主場成績分別排第四、第五，僅落後於榜首三強阿積士、川迪及燕豪芬，單計這點已可睇高主隊一線，再睇埋荷華高斯近三次對賽全部贏晒，合共攻入對手十一球，主W乃不二之選。