精英隊季尾爆發執到保

猪拉多纳

19/05/2011


較早時間開波嘅兩場屬荷甲升班∕護級附加賽，兩支甲組隊精英隊、芬洛分途出戰，精英隊踏入季尾氣勢如虹，對上六場聯賽贏四場，唯一輸波對手係聯賽盟主阿積士，丹保殊僅列荷乙第八，實力有限，波童直取2.1倍客勝。 （周五凌晨零時45分開賽）




精英隊係季尾其中一支狀態最好嘅荷甲球隊，最尾六輪聯賽取得四勝一和一負，唯一敗仗輸畀阿積士無話可說，從佢哋最後一輪作客大炒維迪斯四比一，最終僅以得失球差飲恨畀對手，睇到佢哋如果發力早啲，大有機會後來追上。


丹保殊實力未夠班


丹保殊近況雖然唔錯，但畢竟對手大部分係荷乙球隊，實力指標不宜定得太高。雙方近年在荷乙交手，精英隊戰績亦稍勝一籌，上季精英隊便在聯賽兩循環「雙殺」對手，甚有格食格味道，作客形勢唔會太輸蝕。