天大波特諾主Ｗ兩連發

猪拉多纳

19/05/2011
文： 樂比堅尼

香港時間明早上演兩場南美自由盃八強次回合賽事，智利天主教大學迎戰烏拉圭彭拿路，巴拉圭嘅波特諾主場對墨西哥查古里斯。南美洲地大物博，主隊一向好着數，加上近年淘汰賽戰績極旺主隊，樂比仔決定捧晒兩支主隊。




南美波一向係主隊嘅世界，因為南美洲地方大，交通又唔算方便，作客另一個城市往往需要好多時間，舟車勞頓好容易影響表現。睇番過去五屆嘅自由盃八強次回合賽事，主隊不敗率高達七成五，可見客軍要贏波有一定難度。




先講天主教大學主場對彭拿路（周五早上７時開賽），兩隊實力其實差唔多，但首回合彭拿路有兩球在手，次回合輸一粒都晉級，呢啲戰果就最值得捧主隊，事關天主教大學本身主場威力極強，近九仗主場不敗，十六強主場面對巴西勁旅甘美奧都輕鬆過關，相信今仗就算晉級無望，都可贏番場攞個尾彩，捧主Ｗ。


查古里斯作客腳軟


另一場波特諾主場對查古里斯（周五早上９時30分開賽），查古里斯出名係門口狗，今季聯賽作客九場僅贏一場，自由盃四場作客一和三負，今場對住波特諾可謂凶多吉少。波特諾近年係自由盃常客，參賽經驗相當豐富，首回合打成一比一，相信聽朝可憑主場之利贏波晉級。