AIK蘇納心雄追主Ｗ

港陌

21/05/2011
文： ComboKing

歐洲主流聯賽接近煞科，受注賽事場次亦較少，今日阿King推介瑞典超，AIK蘇納上輪於主場以寡敵眾之下擊敗希爾星堡，成功打破對手今季不敗身，今晚承接餘威續於主場迎戰加費萊，1.57倍主W係信心之選。（周六晚10時開賽）




AIK蘇納上場對希爾星堡好早階段已先失一球，及後雖然扳成平手，但戰至上半場中段有守將尼斯祖漢臣被逐，但主隊憑着凌厲後勁，最終依然反勝對手二比一，打破對手今季聯賽不敗身，自己亦保持今季主場聯賽四戰全勝佳績。




加費萊目前排聯賽第九位，成績平平，佢哋近兩仗先後不敵希爾星堡及打和佐加頓斯，連續兩場冇入波，狀態唔慌好得去邊，如果嫌主W僅得1.57倍太少，大可以博較高賠率嘅「讓球和」。


堤格雷拉魯斯大交易


另外兩關屬阿甲秋聯賽，第三位拉魯斯作客鬥堤格雷，拉魯斯上周擊敗榜首沙士菲，重燃爭標希望，不過對手堤格雷亦唔係弱者，對上兩場主場打敗聖羅倫素及高隆兼冇失波，兩隊都有攻力，今場捧大盤好路。最後小阿根廷人主場對奧林普，奧林普今季作客演出比主場更穩定，而且按照近三季聯賽平均分，奧林普仍處於護級區域，搶分決心遠勝主隊。小阿根廷人連盃賽在內，近六次主場僅一勝，捧「讓球客勝」啱數。